BASA BALI ALUS

                          Basa Bali alus ring sajeroning angga (tubuh) iragane inggih punika:

•  Sirah = prabu
•  Bok = rambut
• Gidat = lelata
• Alis = siratnaya
• Mata = panyingakan
•  Pipi = pangarasan
•  Cunguh = irung
•  Bibih = cangkem
•  Gigi = untu
• Baong = kanta
• Jenggot = rawe
• Kumis = cerawis
•  Lima = tangan
• Batis = cokor

ampura akidik dumun :)
dumogi prasida mawiguna ring sajeroning malajah basa bali

Satua Bali I Sugih Teken I Tiwas

Satua Bali - I Sugih Teken I Tiwas -
Ada tuturan satua I Sugih teken I Tiwas. I Sugih ia sugih pesan, nanging demit. Tur ia iri ati, jail teken anak lacur. Liu anake tusing demen teken I Sugih.
I Tiwas buka adane tiwas pesan, nanging melah solahne, tusing taen jail teken timpal. Sai-sai I Tiwas ka alase ngalih saang lakar adepa ka peken.
Nuju dina anu I Tiwas kumah I Sugihe ngidih api. Ditu ngomong I Sugih, “Ih Tiwas, alihin ja icang kutu! Yan sube telah nyanan upahine baas.” I Tiwas ngalihin kutun I Sugihe, sube tengai mare suud. I Tiwas upahine baas acrongcong. Ia ngencolang mulih, lantas baase ento jakana.
I Sugih jumahne masiksikan, maan kutu aukud. Ngenggalang ia kumah I Tiwase, laut ngomong kene, “Ih Tiwas, ene icang maan kutu aukud. Jani mai ulihang baas icange I tuni.” Mesaut I Tiwas, “ Yeh, baase I tuni suba jakan tiang.” Masaut I Sugih, “Nah, ento suba aba mai anggon pasilih!”
Nasine ane sube ngantiang lebeng ento juange. Kayang kuskusane abana baan I Sugih. Nyananne buin teka I Sugih laut ngomong, “Ih Tiwas, I tuni bena nyilih api teken saang. Api teken saang icange ento patut manakan. Jani mai aba panak apine teken saang icange ento!”
Ditu lantas apin I Tiwase juanga baan I Sugih. Tekaning saangne apesel gede masih juanga, I Tiwas bengong ngenehang lacurne buka keto.
Maninne I Tiwas tundene nebuk padi baan I Sugih. Lakar upahine baas duang crongcong. I Tiwas nyak nebuk kanti sanja mara pragat. Upahina ia baas, laut encol mulih lakar nyakan. I Sugih jumahne nyeksek baasne, maan latah dadua. Ditu encol ia kumah I Tiwase. Suba teked laut ngomong, “Ih Tiwas, ene baase enu misi latah dadua. Jani ulihang baas icange. Yan suba majakan, ento aba mai!” Suud ia ngomong keto, lantas jakanan I Tiwase juanga. Kayang payukne masih juanga baan I Sugih.
Sedek dina anu I Tiwas luas ka alase, krasak krosok ngalih saang. Saget teka sang kidang tur ngomong, “Ih Tiwas, apa kaalih ditu?” Masaut I Tiwas tur nasarin pesan, “Tiang ngalih saang teken paku.” “Lakar anggon apa ngalih paku?” Masaut I Tiwas, “Lakar anggon tiang jukut.” “Ih Tiwas, lamun nyai nyak nyeluk jit nirane, ditu ada pabaang nira teken nyai!”
Ditu lantas seluka jit kidange. Mara kedenga, bek limane misi mas teken selaka. Suud keto sang kidang ilang. I Tiwas kendel pesan lantas mulih. Teked jumah ia luas ka pande. Nunden ngae gelang, bungkung teken kalung. I Tiwas jani sugih liu ngelah mas slake. Mekejang pianakne nganggo bungah, megelang, mabungkung, makalung mas. Lantas ia pesu mablanja.
Ditu tepukina I Tiwas teken I Sugih. Ia jengis delak-delik ngiwasin pianakne I Tiwas. Maninne I Sugih ka umahne I Tiwas matakon, “Ih Tiwas, dije nyai maan slake liu?” Masaut I Tiwas, “Kene mbok, ibi tiang ka alase ngalih lakar jukut. Saget ada kidang, nunden nyeluk jitney. Lantas seluk tiang, ditu maan mas teken slake.” Mara keto I Sugih ngencolang mulih.
Maninne I Sugih ngemalunin luas ka alase. I sugih nyaru-nyaru buka anake tiwas. Ditu ia krasak-krosok ngalih saang teken paku. Saget teka sang kidang, tur matakon, “Nyen ento krasak-krosok?” Masaut I Sugih sambilanga maakin sang kidang, “Tiang I Tiwas, uli puang tiang tuara nyakan.” I Sugih klebet-klebet bayune kendel pesan. Mesaut sang kidang, “Ih Tiwas, mai dini seluk jit nirane!” Mara keto lantas seluka jit kidange ento.
Mara macelep limanne, lantas kijem jit kidange. I Sugih paida abana ka dui-duine. I Sugih ngeling aduh-aduh katulung-tulung. “Nunas ica, nunas ica, lebang tiang! Tiang kapok, tiang kapok!”
Di pangkunge I Sugih mara lebanga. Ia pepetengan, awakne matatu babak belur. Di subanne inget, ia magaang mulih. Teked jumahne lantas ia gelem makelo. Keto upah anake loba tur iri ati.

PUPUT.

Satua Bali I Bojog

I Bojog

Kacrita ane malu, wenten kerajaan sane kasub, kapimpin olih raja sane mapesengan Sang Raja Putra.

Ida demen pesan maubuh-ubuhan. Sekancan buron wenten ring purin idane.

Nujuang dina Saniscara, Ida malancaran di taman sareng rabin idane. Kairing olih I Bojog ane stata ngiring Ida kema mai.

Nganteg di taman, sawireh anginne ngasirsir,, Sang Raja Putra arip. Uuuuaaaaaahhhheeeemmmm..... baan aripne, Ida makayunan makolem, Ida lantas ngaukin I Bojog. Bojoge ento suba makelo kaubuh. Kanti I Bojog dueg narka pikayunan Sang Raja Putra.

Sang Raja Putra mabaos:

“Ih Iba Bojog ubuhan gelah ane paling sayang,,, mai malu... (I Bojog maekin sambil ngasgas sirah)

“Ih Bojog,,Gelah lakar makolem.. lautang tongosin gelah dini! Yening saget ada anak ngulgul gelah, jawat buron yadian kedis, eda depinne,, lautang sempal apang mati.. ene aba pedang gelahe.

I bojog lega pesan kenehne maan ngaba pedang. Suba ada duang jam, saget ada buyung teka ajak dadua...

“ngiuuuuuuung...... ngiuuuuuuunnnggggggg......

Buyunge makelo ngindang, lantas matinggah ring kantan Sang Raja Putra.  I Bojog ngenggalang nyempal I Buyung. Kantan Sang Raja Putra pegat. Payu Sang Raja Putra seda krana Bojoge kaliwat belog.

Inggih asapunika satuan titiang.

Om Santi, Santi, Santi, Om

Pidato Bahasa Bali 1

Suksma aturan titiang majeng ring pangenter parikrama antuk galah sane katiba ring sikian titian.

v  Para Darsika miwah uleman sane wangiang titiang,

v  Taler para Ida dane utawi semeton pamilet sane sihin titiang,

Om Suastyastu,

Angayubagia uningayang titiang majeng ring Ida Sang Hyang Widhi Wasa, saantukan wantah sangkaning asung kertha wara nugraha Ida, iraga prasida kacunduk masadu ajeng sakadi mangkin ring galahe sane becik puniki. Ampura ping banget lungsurin titiang ring Ida dane sinamian, riantukan tambet titiange kalintang, nanging purun nglangkungin linggih Ida dane pacang maatur-atur samatra nganinin Indik ” Sasananing Sisya ring Guru Pengajian”.

Ratu Idadane dane sane wangiang titiang, manawi iraga sareng sami sampun pastika uning sane kabaos Guru Pengajian. Guru Pengajian inggih punika guru sane wenten ring sekolah, sane sampun ngajahin iraga memaca, nulis, lan maitung-itungan. Wyakti akeh tur mabuat pisan peplajahan sane kapicain olih Bapak lan Ibu Guru ring sekolah. Yan nirgamayang titiang, Bapak lan Ibu Guru punika sekadi sundih sane prasida nerangin kauripan iraga sareng sami. Yan baosang sekadi baos mangkin “Menerangi Kehidupan Manusia”.

Nika mawinan iraga dados sisya tan wenang lempas ring pitutur Guru. Napi malih drowaka ring Guru. Sinah pacang kebaos Alpaka Guru. Anake sane alpaka nenten pacang ngemangguhang kerahayuan ring jagate.

Mangdane prasida rahayu, sepatutnyane iraga dados sisya setata subakti ring Guru. Napi manten sane patut kalaksanayang mangda nyihnayang iraga subakti ring Guru Pengajian?. Akeh sane dados kalaksanayang yening iraga jagi nguncarang bakti ring Guru Pengajian, inggih punika; hormat ring Bapak taler Ibu Guru ring sekolah, jemet melajah, setata ngelaksanayang kapatutan sane mungguh ring awig-awig sekolah, lan setata ngelaksanayang pitutur Bapak lan Ibu Guru. Yan iraga sampun subakti ring Guru, sinah kerahayuan jagi pacang kapangguh.

Inggih Ratu Ida dane sane kusumayang titiang, yukti akeh sampun titiang mabaosan, kaping untap titiang ngaturang suksmaning manah ring Ida dane sareng sami santukan sampun prasida rauh lan mirengin pidarta titiang puniki, dumogi napi sane sampun kabaosan mangkin wenten pikenohnyane. Yening wenten bebaosan titiang sane ten becik, titiang nunas ampura. Sane mangkin ngiring sineb antuk prama santhi,

‘Om Santhi, Santhi, Santhi, Om’

KIDUNG YADNYA

Kawitan Warga Sari - Pendahuluan sembahyang Purwakaning angripta rumning wana ukir. Kahadang labuh. Kartika penedenging sari. Angayon tangguli ketur. Angringring jangga mure. Sukania harja winangun winarne sari. Rumrumning puspa priyaka, ingoling tangi. Sampun ing riris sumar. Umungguing srengganing rejeng Pangayat - Menghaturkan sajen Kidung Warga Sari Ida Ratu saking luhur. Kawula nunas lugrane. Mangda sampun titiang tanwruh. Mengayat Bhatara mangkin. Titiang ngaturang pajati. Canang suci lan daksina. Sami sampun puput. Pratingkahing saji. Asep menyan majagau. Cendana nuhur dewane, Mangda Ida gelis rawuh. Mijil saking luhuring langit. Sampun madabdaban sami. Maring giri meru reko. Ancangan sadulur, sami pada ngiring. Bhatarane saking luhur. Nggagana diambarane. Panganggene abra murub. Parekan sami mangiring. Widyadara-widyadari, pada madudon-dudonan, Prabhawa kumetug. Angliwer ring langit. Pamuspan - Sembahyang Merdu - Komala Ong sembah ning anatha. Tinghalana de Triloka sarana. Wahya dyatmika sembahing hulun ijeng ta tan hana waneh. Sang lwir agni sakeng tahen kadi minyak sakeng dadhi kita. Sang saksat metu yan hana wwang hamuter tutur pinahayu. Wyapi-wyapaka sarining paramatatwa durlabha kita. Icantang hana tan hana ganal alit lawan hala-hayu. Utpatti sthiti lina ning dadi kita ta karananika. Sang sangkan paraning sarat sakala-niskalatmaka kita. Sasi wimbha haneng: ghata mesi banyu. Ndan asing suci nirmala mesi wulan. lwa mangkana rakwa kiteng kadadin. Ring angambeki yoga kiteng sakala. Katemun ta mareka sitan katemu. Kahidepta mareka si tankahidep. Kawenang ta mareka si tan ka wenang. Paramartha Siwatwa nira warana. Nunas tirtha - Mohon tirtha Turun tirtha saking luhur. nenyiratang pemangkune. Mekalangan muncrat mumbul. Mapan tirtha mrtajati. Paican Bhatara sami, panglukatan dasa-mala. Sami pada lebur. Malane ring gumi. KIDUNG MANUSA YADNYA (PERKAWINAN) Kawitan Tantri - Pendahuluan. Wuwusan Bhupati. Ring Patali nagantun. Subaga wirya siniwi. Kajrihin sang para ratu. Salwaning jambu warsadi. Prasama hatur kembang tahon. Tuhu tan keneng api. Pratapa sang prabu Kesyani ruktyeng sadnyari. Sawyakti Hyang Hari Wisnu. Nitya ngde ulaping ari. Sri dhara patra sang katong. Wetning raja wibawa, mas manik penuh. Makinda yutan ring bahudanda. Sri Narendra, Sri Singapati, Ujaring Empu Bhagawanta. Ridenira panca-nana. Bratang penacasyan. Hatur Hyang Dharma nurageng bhuh. Kadi kreta yuga swapurneng nagantun Kakwehan sang yati. Sampun saman jayendrya. Weda Tatwa wit. Katinen de Sri Narendra. Nityasa ngruci tutur. Tan kasareng. wiku apunggung wyara brantadnya ajugul. Demung Sawit (bawak, dawa) Tuhu atut bhiseka Nrapati. Sri Eswaryadala. Dala kusuma patra nglung, Eswarya raja laksmi. Sang kulahamenuhi rajya. Kwening bala diwarga. Mukya sira. Kryana patih Sangniti Bandeswarya patrarum. Nityasa angulih- ulih amrih sutrepting nagara, lan sang paradimantriya. Tuhu widagda ngelus bhumi. Susandi tinut rasaning aji, Kutara manawa. Mwang sastra sarodrsti. Matangyan tan hanang baya kewuh. Pirang warsa Sri Nrapati Swaryadala. Tusta ngering sana. Kaladiwara hayu. Sri narapati. Lagya gugulingan ring taman. Ring yaca ngurddha angunggul. Yayamireng tawang. Tinum pyata tinukir. Kamala kinanda-kada. Langu inipacareng santun. Mangamyat kalangenikang nagara. Tisoba awiyar. Indra bhuwana nurun, Kweh tang pakwana titip. Pada kabhi nawa. Dening sarwendah linuhung. Liwar sukanikang wong. Anamtami kapti. Arumpuka sari sama angrangsuk bhusana aneka marum. KIDUNG PITRA YADNYA Nedunang layon pacang nyiramang Menurunkan Jenazah untuk dimandikan Cewana - Girisa Ata sedengira mantuk sang suralaga ringayun. Tucapa aji wiratan. Karyasa nagisi weka. Pinahajongira laywan sang putra mala piniwa. Pada litu hajenganwam. Lwir kandarpa pina telu. Lalu laranira nasa sambat putranira pejah. Lakibi sira sumengkem ring putra luru kinusa. Ginamelira ginanti kang laywan lagi ginugah. Inutusira masabda kapwa ajara bibi aji. Nyiramang layon - Memandikan Jenazah. Bala - ugu. Bala ugu dina melah, manuju tanggal sasih. Pan Brayut panamaya. Asisig adyus akramas. Sinalinan wastra petak. Mamusti madayang batis. Sampun puput maprayoga, tan swe ngemasin-mati. Ikang layon ginosongan, ne istri tuhu satya, de pamayun matingkah. Eteh eteh sang paratra. Toya hening pabresihan. Misi ganda burat-wangi. Lengise pudak sategal. Sumar ganda mrbuk arum. Pusuh menuhe uttama. Malem sampun macawisan. Tekening edon intaran. Bebek wangi lengis kapur. Monmon mirah windusara. Waja meka panca datu. Don tuwung sampun masembar. Sikapa kalawan taluh. Buku-buku panyosalasan. Pagamelane salaka. Kawangene panyelawean. Gegalenge satak-seket. Sampun puput pabersihan. Winiletang dening kasa. Tikeh halus wijil jawa. Lante maulat panyalin. Mamarga ka setra - Pergi ke Kuburan Indra - wangsa Mamwit narendratmaja ring tapowana. Manganjali ryagraning indra parwata. Tan wis mrti sangka nikang hayun teka. Swabhawa sang sajana rakwa mangkana. Mangkat dateng toliha rum wulat nira. Sinambaying camara sangkaring geger. Panawanging mrak panangisnikungalas. Erang tininggal masaput-saput hima. Lunghang lengit lampahira ngawe tana. Lawan Sang Erawana bajranaryama. Tan warnanen decanikang katungkulan. Apan leyep muksa sahinganing mulat. Ngeseng Sawa - Memperabukan Jenazah. Sang atapa sakti bhakti, astiti purwa sangkara. Yan mati maurip malih. Wisesa sireng bhuwana. Putih timur abang wetan. Rahina tatas apadang. Titisning jaya kamantyan. Mapageh ta samadinira. Nghulun angadeg ring natar. Kamajaya cintanya. Sang atunggu parawean. Mawungu pakarab-karab. Ilangani dasa-mala, amrtang gangga asuci. Pamunggal rwaning wandira. Pinaka len prehanira. Yan sampun sira araup. Isinikang kundi manik. Anut marga kita mulih. Yan sira teka ring umah. Tutugaken samadinta. Sapangruwat sariranta. Isenikang pangasepan. Kunda kumutug samiddanya. Wewangen dadi tembaga. Rurube kang dadi emas. Arenge kang dadi wesi, Awune kang dadi selaka. Kukuse kang dadi mega. Yeh iku manadi ujan. Tumiba ring Mrecapada. Yeh iku dadi amretta. Rikala ngayut - Buang abu ke laut. Ring wetan hana telaga. Rikata hulun adyusa. Asalin raja bhusana. Anglebur awak tan porat. Hilanganing dasa mala. Sebel kandel ring sarira. Sakwehing malapataka. kalebura ring tanane. Ring kidul hana talaga. Rikata hulun adyusa. Asalin raja bhusana. Anglebur awak tan porat. Hilanganing dasa mala. Sebel kandel ring sanra. Sakwehing malapetaka. kalebura ring tanane. Ring kulon hana talaga. Rikata hulun adyusa. Asalin raja bhusana. Anglebur awak tan porat. Hilanganing dasa mala. Sebel kandel ring sanra. Sakwehing malapetaka. kalebura ring tanane. Ring lor hana talaga. Rikata hulun adyusa. Asalin raja bhusana. Anglebur awak tan porat. Hilanganing dasa mala. Sebel kandel ring sanra. Sakwehing malapetaka. kalebura ring tanane. Ring madya hana talaga. Rikata hulun adyusa. Asalin raja bhusana. Anglebur awak tan porat. Hilanganing dasa mala. Sebel kandel ring sanra. Sakwehing malapetaka. kalebura ring tanane. Sampun ta sira abresih, anambut raja bhusana. Binurating sarwa sari. Mrebuk arum gandaning wang. Matur sira ring Hyang Guru. Sinung wara nugraha sira. Keasunganing mandi swara. Paripurna tur nyewana.

SATUA BALI (Cerita Bali)

I LUTUNG TEKEN I KEKER

Kacerita ada Lutung, masusupan di tengah alase, saget ningeh munyin keker makruyuk di carang kayune. I Lutung ngalih tongos I Keker matinggah ane sedekan ngamah be. I Lutung nangsek saha mamunyi alon, “Uduh iba Keker olasin je wake! Wake katunan amah-amahan, dija mirib ada tongos ngalih babuktian. Tinggalin awak wakene berag tuh, wake dot masawitra ngajak iba”.

I Keker masaut alon, “Uduh Lutung tegarang melahin minehin. Dija ada unduk buron buka iba, lakar sida masawitra teken soroh paksi? Apa buin iba buron dengkal, demen nguluk-nguluk. Wake suba nawang bikas ibane demen ngadug-adug ngeka daya upaya jele demen ngae pisuna. Pantes iba nemu sengsara.

I Lutung makenyung manis lantas mamunyi, “Uduh iba Keker, kaliwat baan iba ngatgatang jelek wakene. Yen keto munyin ibane satmaka ngemadakang wake apang enggal mati. Cara jani liu anake ngadu, ada ngorahang ane tuara ada. Eda ngugu orta ane tuara-tuara, raos anak mula sengka baan nampi, bilih-bilih dadi pisuna. Ento patut tangarin, sadu darmane patut rajegang, anggon ngukuhang pati uripe, matane anggon medasang, ditu mara lakar janten ane madan sujati, ento krana jani buktiang.

Mara keto munyin I Lutunge, I Keker engsek ningeh, sawireh ia ningeh orta I Lutung corah, ane tuara taen tepuk kasujatianne. Metu keneh I Kekere kapiolasan, ensap teken sesenggake, “Bungute juruhina, jite kabandilin”, Laut masaut I Keker, “Nah Lutung buin mani jalan luas ka pasihe kangin ngalih be. Sakewala eda ensap iba teken janji.

Kacrita jani I Keker ajaka I Lutung suba liu maan be, laut I Keker ngajak I Lutung ka pasisi. Disubane neked dipasisi, I Lutung tundena ngelebang batisne I Keker, sakewala jeg sahasa I Lutung ngilut batis I Kekere tur bulune kabutbut kanti telah. Ditu I Keker nyaru-nyaru mati. I Lutung kedek ngikik, “melah-melah iba luas ka sunia loka”. Ditu I Lutung ngalih api di padukuhan. I Keker nyelisib ka bete sambilanga ngeling, sawireh bulune telah.

Saget ada sampi teka tur kapiolasan teken I Keker. I Sampi lantas ngwales teken I Lutung. I Lutung buin ajaka ka tengah pasihe, lakar ngalih woh-wohan ke selat pasihe. Neked di tengah pasihe, I Lutung kutanga teken I Sampi. Ditu I Lutung ngeling tusing nyidayang ka pasisi. Kacrita ada penyu, laut metakon teken I Lutung, “Ih iba Lutung ngudiang iba dini?” Masaut I Lutung, “Icang kauluk-uluk teken I Sampi orahanga lakar ajaka ngalih woh-wohan selat pasih. Yen iba olas ajak icang ka pasisi. Neked di pasisi I Penyu nagih upahne, sakewala I Lutung ane mula corah ento ngewales pitresnan I Penyu baan daya corah. I Penyu kabadingan tangkahne merep menek, mawastu tusing ngidayang mabading lan majalan. Ento kranane eda kadropon ngugu raos, apang eda cara sesenggake “Suba belus mara macingcingan”.

Sejarah Aksara Bali

SEJARAH AKSARA BALI
Sejarah aksara Bali nenten sida lempas ring panglimbak aksara saking India, santukan panglimbak agama Hindu miwah Budha ring panegara Indonesia, taler rauh ring Bali kasarengin antuk basa miwah aksarannyane.

Ring panegara India Wenten aksara sane kawastanin aksara Karosti. Saking aksara Karosti puniki nglimbak dados aksara Brahmi. Mawit saking aksara Brahmi puniki nglimbak dados aksara Dewanegari miwah aksara Pallawa. Aksara Dewanegari kanggen ring India Utara sajeroning nyurat basa Sansekerta. Aksara Pallawa kanggen ring India Selatan sajeroning nyurat basa Pallawa.

Panglimbak aksara Dewanegari miwah Pallawa ring Indonesia nganutin panglimbak agama Hindu miwah Budha. Mawit saking panglimbak aksara Dewanegari miwah Pallawa puniki mawetu wenten aksara Kawi utawi aksara Indonesia Kuna. Saking aksara Kawi puniki kasuen-suen ngraris mauwah dados aksara Jawi miwah aksara Bali, taler dados aksara-aksara sane tiosan sane mangkin wenten ring Indonesia. Pinaka cihnannyane silih tunggil kakeniang ring Kutai (Kalimantan Timur) sajeroning yupa, sane madaging sesuratan aksara Dewanegari.

Ring Bali panglimbak aksara Dewanegari miwah aksara Pallawa kakeniang ring Pura Penataran Sasih Pejeng, Kecamatan Tampaksiring,-Kabupaten Gianyar. Ring Pura Penataran Sasih kakeniang stupa-stupa kecil sane medaging cap antuk tanah legit. Sajeroning cap-cap punika madaging sasuratan aksara sane kawastanin aksara Pradewanegari utawi Siddhamantrka. Sesuratan aksara punika kanggen nyuratang mantram Buddha Tathagata. Panglimbak salanturnyane ring Pura Blanjong Sanur, wenten kakeniang tugu peringatan raja Sri Kesari Warmadewa sane madaging aksara Dewanegari miwah aksara Bali Kuna. Aksara Dewanegari kanggen nyurat basa Bali Kuna, aksara Bali Kuna kanggen nyurat basa Sansekerta.

Aksara selanturnyane waras nglimbak Wantah aksara Pallawa. Pinaka cihnannyane kakeniang sesuratan aksara Pallawa sane kawastanin aksara Semi Pallawa. Mawit saking aksara Semi Pallawa puniki ngraris nglimbak wangunnyane dados aksara Kediri Kwadrat, miwah dados aksara Jawi rauhing dados aksara Bali. Sesuratan aksara Pallawa puniki minakadinnyane wenten kakeniang ring Pura Bale Agung Sembiran. Wangun aksara Bali gumanti bunteran, puniki wantah cihnannyane wangun aksara Bali mawit saking sesuratan aksara Pallawa. Cihnan panglimbak aksara Dewanegari sajeroning aksara Bali minakadi wangun aksara a kara Bali masaih pisan ring aksara a Dewanegari.

Kaketus saking: Buku Pedoman Pasang Aksara Bali

Mitos Bali

ada salah satu mitos yang masih berkembang di kehidupan masyarakat bali yaitu jangan menduduki bantal "De negakin galeng" bisa sakit bisulan pantatnya "Bisa Busul" sejenis sakit jerawat yang timbul di pantat.
Yang jadi pertanyaan,, apakah bantal benar2 bisa menyebabkan bisul (Busul)?
mungkinkah karna ada bakteri di bantal yang bisa menyebabkan bisul?
kalau dipikir-pikir,segala kemungkinan bisa saja terjadi..
tapi mungkin yang sebenarnya dijadikan acuan oleh orang-orang tua kita terdahulu adalah masalah etika. yang mana bantal dalam hal ini dipakai di kepala tidak sewajarnya diduduki. karna di bali khususnya, ada aturan yang jelas dan pasti tentang "luanan" (kepala) dan "teben" (bawah). bantal atau dalam bahasa bali disebut galeng dipakai di kepala tidak cocok dipakai duduk-duduk.
semoga bermanfaatttttttttttttttttttttttttt

bahasa bali

bahasa bali merupakan salah satu bahasa ibu yang dimiliki oleh pendukung kebudayaan yang ada di daerah bali.

test blog

bali sebagai salah satu daerah sangat memiliki keunikan di dalam budayanya. dan bahkan banyak ilmu-ilmu yang unik dan khas yang ada di bali, untuk itulah kita sebagai orang bali sangat perlu untuk meneliti semua hal yang berkaitan dengan bali tersebut.